無敵草皮景觀原來都有價，連小超李澤鉅日前都出高價競投望草地景嘅市區靚地起樓，偏偏政府就暴殄天物，最近話要在國金中心二期對出嘅一大片望海草地，興建中環灣仔繞道嘅通風機樓。創建香港行政總裁司馬文同一班朋友，噚日就去到現場抗議。
擬建嘅通風樓體積龐大，相當於770至1,250個貨櫃咁巨型，每小時會排出相當於6,000輛車嘅廢氣。司馬文話一班專家都建議將通風機樓改在距離國金中心西北200碼，即係2號碼頭附近興建，嗰度人流稀少，冇咁阻礙景觀。佢哋正發起網上聯署，有興趣可以去呢個網址睇睇 http://www.designinghongkong.com/forms/view.php?id=8。