賭王何鴻燊自去年7月跌傷頭入院到今年3月出院，上月8日再度入院進行例行檢查後，身體日漸好轉，昨晚賭王又再出動，跟二房子女到灣仔福臨門晚膳。晚上約8時，當賭王的房車駛到飯店門口，4名保安即緊張圍着側門，為坐着福祉7人車的賭王護駕，之後細心推着賭王進入飯店。
現場所見賭王的精神比早前到醫院檢查時還要精神，雙眼炯炯有神，超鳳及超瓊一直陪同在身旁。9時半賭王一家先後離去，三名保鑣及一位看護跟超瓊、超鳳等落樓，讓賭王離開。
四太爆睇馬解悶
此外，自言與賭王共晉午餐的四姨太梁安琪，昨日去到葵涌保良局護老院，做義工探訪老人。梁安琪透露賭王健康不俗，她說：「家行到幾步，一日做兩次物理治療，練吓啲體能咁。」她又謂賭王間中會到醫院覆診及檢查，至於有否回信德上班？她說：「多數係寫字樓啲人嚟屋企，佢一向咁活躍，都成日呻悶，呢排咪睇澳門賽馬，啲仔女都有嚟探佢。」
採訪、攝影：LawTakKwong、LeoWong、R.AuYeung