黃子揚、小金子等噚晚到尖沙嘴為福音電影《最‧危險人物》舉行開鏡禮，久未蒲頭嘅黃子揚話佢已經信咗基督教5、6年，佢自爆教會初頭唔畀佢受洗，原因係佢有同居女友。至於有冇聯絡前女友惠英紅，佢就話知道惠英紅得咗影后，不過講到佢同惠英紅都單身時，記者問有冇機會再一齊，佢就即刻話：「佢咁靚，大把人追，我唔得，年紀大，機器壞。」