聽人講，一些優質嘅豬扒，基本上唔使剁，啲肉都已經夠晒腍，一直好想試吓堅定流。行超市見到嚟自西班牙伊比利半島嘅頂級黑毛豬鞍扒，啲肉好似好鮮嫩，忍唔住買咗塊試吓。拳頭Size咁大（約100克），盛惠$58，都唔平喎！店員仲話呢種豬扒出名肉味濃，肉質鬆化，只須撒上海鹽，兩面煎約3分鐘就食得。果然無呃我，唔使幫佢鬆肉都好軟腍，雖然經急凍處理，但一啲雪味都無，仲食到少少豬肉酥香㖭，真係一分錢一分貨。
西班牙伊比利半島黑毛豬鞍扒$58/100克查詢：25062888（city'super）
