新加坡真係我哋旅遊嘅勁敵，景點越開越多，濱海灣金沙嘅購物商場，下月仲會有百幾間店陸續開幕㖭，talkofthetown梗係Chanel旗艦店，因為係由神話建築師PeterMarino精心製作，佢設計過LV、FENDI等旗艦店，每次都令人驚艷，噚日八方諗住問吓到港嘅濱海灣金沙高級副總裁DavidSylvester，點知佢話連佢都未見到真貌，皆因Chanel要保持神秘。PoloRalphLauren都會開豪華總店，仲會賣埋最新嘅PurpleLabel㖭。
David話，鍾意血拼嘅香港人係佢哋頭號目標顧客群之一，6月港人到訪新加坡客量更有48%升幅，係升幅最高地區之一。除咗買嘢，佢話嗰度仲有港人最鍾意嘅夜生活，包括兩間美國最紅嘅club，Avalon係荷李活明星最鍾意去玩嘅，而Pangaea就走高級路線。