花旗股市前晚反彈，道指升過百點收市，港股趁賣地成績理想，食住花旗股市個勢炒多轉，不過高位企唔穩，成交增加又出現先升後跌走勢，係借好消息出貨嘅格局。
道指雖然反彈，但已升到阻力位，如果掉頭下跌，港股好大機會回試100日線（20656），由於港股後市仲係偏樂觀，恒指守穩100日線之後可以再炒過。
富力C輪22304：富力地產（2777）噚日報收12.34元，升0.6%，股價喺7月底上試250日線之後，一直喺呢條長期平均線上下整固，近日技術指標轉好，有炒上迹象，升破13.20元有機會推向14.30元，可以諗吓隻C輪22304。
隻隻輪現價19.6仙，2011年6月2日到期，行使價12.50元，溢價17.2%，引伸波幅49.8%，槓桿率6.3倍（有效3.5倍），正股升上14.30元，22304睇32.3仙，正股跌穿11.60元就沽咗隻輪。
俊樺