奧斯爾來投，變相提升雲達華治離隊的可能，而此君周二作客標準列治建功不足以助皇馬贏波，最終各一言和。友賽和波事小，賽後傳來艾比奧爾因傷唞一個月，才最令摩連奴頭痛。
賽前事先張揚會輪換的摩連奴，先排出一個牌面上較弱的陣容，但仍先開紀錄，由雲達華治上半場13分鐘左腳主射自由球中柱後彈入。易邊後，皇馬先後換入卡維奴、沙比阿朗素及基斯坦奴朗拿度等主將，諷刺是當人腳較完整時，反而於完場前11分鐘被敵方的比利時國腳賓迪基頂入。皇馬在比賽末段呈疲態，但仍不乏再度領先機會，奈何迪馬利亞完場前失機，未能奏凱。
僅卡維奴候命
對皇馬不利，是中堅艾比奧爾在這場比賽觸傷左足踝，賽後證實須休戰一個月。目前皇馬防線除加雷因膝傷肯定須休戰兩個月外，比比亦因腿傷未必趕得及在新一季西甲開咧時上陣，即使早前獲得卡維奴加盟，中路防線仍鬧兵荒。看賓迪基是役頂入扳平的一球，正是皇馬中路防線出了亂子所致，試問摩連奴如何安枕？皇馬將於月尾西甲首戰作客馬略卡。
藍鑽石