蒙嘉慧（YoYo）指自己從來對七彩糖果顏色興趣不大，私底下她長撐黑白灰三色，愛上AnnDemeulemeester是10年前的事，最初被AnnDem一抹紫吸引，再而是texture特別的絨褸，至今Ann貨色存量達50件，是唯一過季仍不會割愛扔掉的品牌。
風格選色不變的品牌或設計師，卻有本事令人忠心耿耿的長期支持，重複地買了又買的例子多不勝數，又一實例是不說不知蒙嘉慧已追隨安特衞普六子中唯一女將AnnDemeulemeester超過10年，Ann的衣衫變化度輕微，卻令YoYo表示：「總會搵到有唔同嘅地方，總會有啲嘢買到。」至今她已擁有逾50件AnnDem，而且即使過季仍然不會割愛捐贈或扔掉的唯一品牌。
難忘紫色裙
YoYo說：「10年前左右識得呢個brand，一見鍾情係一條好簡單嘅紫色裙，可惜當時買唔起，再令我驚艷係Ann嘅黑色斜裁絨褸，好型好cool，而且佢啲手袖偏長，啱晒我手長長。
「同埋就係佢嘅衫、褲、裙、bootie都變化唔大，換言之就比其他牌子襟興襟着。我買衫一向都會考慮埋襟興呢樣嘢，但好神奇，鍾意咗Ann每到開季會好自動入舖買新貨，就算佢出來出去都離唔開褸呀褲呀bootie呀，都總會有啲嘢俾我買到。」
唔跣狗牙靴
YoYo又分享一次穿Ann的難忘經驗，她說：「有次我去山西山區探訪，每日都要行山路泥濘路，成隊crew幾乎所有人都跣低過，唯一係我着對Ann嘅狗牙底policeboots，一次都冇跣過，拍完嘢返酒店雖然成對boots印晒泥濘，但用水一冲即刻好似新嘅一樣。」
採訪：MichelleLeung
攝影：EdwardChou
血紅女悍將
有比利時搖滾女詩人稱號的AnnDemeulemeester，歷年來的代表作都追尋黑色愛德華的自我浪漫，以及沉醉鑽研wrap&asymmetricalcut的把戲，另外也成功地forward發展她的鏈飾與ridingboots「現金牛」。
蒙嘉慧這次示範的2010秋冬新作，如舊是一副女穿男裝的中性瀟灑浪蕩，黑以外還加入bloodyred及urbanmood的淺啡色，一濃一淡，死硬Ann迷一面不習慣，也一面暗叫有新意。
