【香港先生選舉】一年一度的《2010香港先生選舉》將於星期六舉行，今年大搞噱頭玩3D效果，昨日一班候選港男及司儀出席記者會公佈詳情。初次擔任司儀的呂慧儀以開胸晚裝出現，酥胸半露玲瓏浮凸，率先展示人體的立體效果，令官恩娜黯然失色，更慘令港男成為陪襯品。
無綫《2010香港先生選舉》於本星期六舉行，昨日一眾候選港男和司儀到圓方戲院出席記者會，公佈比賽詳情。司儀陣容除了有鐵腳鄭裕玲（嘟嘟）外，還有首次出戰的伍詠薇、呂慧儀和官恩娜，表演嘉賓則有韓國女子組合Yes及武打高手蔣璐霞。
兩戲院播3D比賽
由於今年比賽大玩3D效果，嘟嘟昨日即場試玩3D攝影機，當晚圓方及奧海城戲院會以3D效果播出比賽過程。伍姑娘和呂慧儀為隆重其事，昨日齊齊盛裝現身，呂慧儀身穿開胸晚裝，逼爆身材令人噴血，慘令一眾港男淪為陪襯品。
記者指呂慧儀身材率先有立體效果，她說：「多謝媽咪囉，不過我會鍾意喺現場睇多啲，連佢哋流汗都感覺到。」問她今年港男的質素，是否比得上同是港男出身的緋聞男友Dickson？她即煞有介事說：「好玄喎，唔知點解同港男特別有緣，要睇吓先知。」
低V上陣的伍姑娘因遲到而匆匆出場，記者叫她再把胸前領口拉低，她笑言這樣會輸得更慘。問她初做司儀有否向老公申請？她笑說：「攞晒喇，結婚咁多年，過咗最光輝嘅11年，我叫佢畀我睇吓呢個世界年輕新鮮同靚嘅人，佢好支持，佢都鍾意睇。」
嘟嘟懶理涉歧視
伍姑娘坦言老公批准她摸港男，她說：「呢啲係開心情況下發生嘅開心事。」提到有人投訴港男只准女觀眾入場，涉性別歧視，嘟嘟說：「我唔理，只想做好自己同個騷，咁男觀眾可以去圓方同奧海城戲院睇。」
採訪、攝影：藍文浩
若讀者知道今屆入圍港男的底細，歡迎電郵至mailto:[email protected]報料。
