官地拍賣前政府突然出招，股民好擔心噚日個市，噚日港股嘅表現比市場預期好得多，單日轉向升40點，繼續守住21000關。
地產股跌幅顯著，可以話係預咗，不過後市唔好睇得太淡，今日市區地拍賣嘅成績應該會理想，地產股整固之後可以再炒過。至於樓市，賣地成績理想嘅話，買賣雙方會呈拉鋸，樓價唔會大幅下跌，但成交就會縮減。
神華C輪23459：中國神華（1088）收28.20元，升0.5%。股價喺上個禮拜顯著下跌兩日之後，喺低位整固3日，噚日首日回升，睇個勢係反彈嘅開始，炒短線睇30至31元，可以諗吓隻C輪23459。
隻輪現價17.7仙，2011年1月28日到期，行使價32.40元，溢價21.2%，引伸波幅42.3%，槓桿率15.9倍（有效5.9倍），正股升上31元，23459睇29.9仙，正股跌穿27元就沽咗隻輪。
俊樺