容祖兒即將出碟，又要開始籌備下月尾同BigFour、鄭伊健及草蜢嘅SummerPop音樂會。祖兒為新歌《破相》拍MV，為配合主題，佢以蒼白同特技化妝上陣。化妝師為祖兒臉上化咗一條正喺度流血嘅疤痕，呢個妝會喺MV結尾出現，化妝師唔使10分鐘就搞掂個妝。祖兒話：「拍攝之前已經同導演諗點拍好，呢首歌嘅傷痛感好強烈，好似真係見到一條疤痕。」