政府突然宣佈新一輪遏抑樓市措施，對樓市同股市有乜影響，都係市民關心嘅，對於呢方面嘅分析，俊樺提供一個方法畀大家，就係要睇政府出招嘅目的，如果政府係想大幅推低樓價，後市一定差完再差，反之，如果係防範性或回應輿論嘅措施，咁影響只會好短暫。
呢兩個月會有好多幅地拍賣，賣地成績會提供啟示，若成交價理想，又會支持市民對樓市同股市嘅信心。
財險C輪18000：中國財險（2328）上日報收8.06元，升0.8%。股價由低位回升，伺機上試10日線，中央剛宣佈提升保險資金入股市嘅投資比例，對呢類股份屬正面，財險炒上睇9.20元，可以諗吓隻C輪18000。
隻輪現價9.3仙，2010年12月30日到期，行使價8.09元，溢價11.9%，引伸波幅47.1%，槓桿率8.7倍（有效4.8倍），正股升上9.20元，18000睇16.6仙，正股跌穿7.70元就沽咗隻輪。
俊樺