白龍王在香港為人熟識，全因他在港台娛樂圈有一班忠心信徒，當紅巨星如梁朝偉、舒淇、劉德華及任賢齊等均對他深信不疑，每年必抽時間到泰國，希望可獲白龍王代為祈福。
電話慰問師傅
任賢齊是在01年加盟寰亞公司後，在老闆林建岳介紹下認識白龍王，小齊昨日在電話中說：「第一次見白龍王，佢就叫我唔好喺屋企亂掉衫，我真係有呢個習慣，佢又講中我個女邊一年出世。其實佢係一個心靈導師，教人要做好事，要孝順父母，對人要客氣，我覺得佢係一個唔錯嘅師傅，所以久唔久我都會去探吓佢，最近佢病咗，我都有打電話問候佢。」
至於偉仔如此信任白龍王，據知源於約10年前他與圈中好友在好奇心驅使下赴泰見白龍王，沒想到白龍王對他特別有好感，初次見面便用手摸摸他的頭，然後對他說：「你回去不要拍跳樓戲，記住我講的說話。」當時偉仔心裏一驚，因為他返港後確實要為電影拍攝一幕跳樓戲，導演還要求他親身上陣，結果偉仔返港開工後堅持不肯親自拍攝跳樓戲，導演雖然為之氣結，但也安排替身拍攝，結果該名武師竟受傷了。
偉仔自此深信白龍王，每年必會到泰國見白龍王，尋求指點迷津，但其妻劉嘉玲幾次跟隨偉仔去見白龍王，都因「沒緣份」而未獲接見，令嘉玲不太高興，以後也沒再隨偉仔去拜會白龍王。
採訪：丁寧