被揭發瞞住未婚妻嫖妓嘅熱刺前鋒高治，喺日前嘅英超揭幕戰就表現麻麻，仲踢唔足全場就被換，咁仲不凸止，繼上周佢俾英國傳媒爆召妓之後，又再被揭發上月喺法國夜總會醉酒尋歡。據報，高治可能知道自己唔算靚仔，為咗吸引在場女士嘅注意，一於大跳佢著名嘅機械舞，又借醉向在場女士毛手毛腳；最離譜嘅係當一位做護士嘅英國女粉絲祖兒認出佢係高治，並且經朋友介紹認高治之後，佢就不斷向祖兒「抽水」，當祖兒同佢影相時，仲乘機摸祖兒大腿同背脊㖭！不過，最離奇嘅係，高治嘅未婚妻艾比好似已決定原諒高治，因艾比被拍得已戴番之前剝咗嘅婚戒。吓？唔通賤男都有市場？