【本報訊】政府再次突然出招打擊炒樓，對市場敏感度高的投資者，亦即時有反應。「摩王」黎汝遠認為炒賣豪宅無利可圖，故不會再炒賣一及二手豪宅；資深投資者「洋參大王」楊永仁，更直截了當表示未必會再買一手樓花，入市亦只會選擇二手物業。
記者：程俊華 朱連峰
黎汝遠指出，政府出手打擊炒風招數「狠就唔係好狠，而且舊酒新瓶，但招式唔怕舊，喺樓市咁高時做少少嘢，已經可以對樓市有好大影響」。縱使政府有手段打壓樓市，惟息口實在太低，「投資物業好過將錢擺喺銀行」，故仍會繼續物色投資機會。但新措施後如要炒樓，特別是樓價1200萬元以上豪宅，投入成本增多，但利潤未必高，根本無利可圖，所以「摩王」不會再朝摩貨方向入市，「買之前都要預長線」，會將單位收租，等待長遠樓價「升到咁上下至賣」。
轉戰市區大型屋苑
黎汝遠於97年險被金融風暴「沒頂」，因此「心態唔同咗」，入市前已計及息口突然上升的壓力，又減低借貸比率，以免資金周轉出問題。由於收緊豪宅按揭借貸，所以他現時主力投資1200萬元以下住宅，選擇市區大型屋苑會較穩陣。
早前黎汝遠曾預期未來一年樓價看升15至20%，在政策打擊下，樓價未必會下調，因現時業主持貨力強，市場又多了內地資金充撐，估計升勢只會放緩，縮減至約10至15%。但他提醒買家要留意，息口一旦上升，以及租金升勢減慢，樓市便會有真正危險。
曾在金融海嘯後不斷出手的楊永仁表示，政府出招，擺明防止樓價升得太快，對買家心理影響極大，成交量在中短期內急跌兩至三成絕不出奇，不過息口低及美元拖累港元貶值，相信樓價僅跌2至3%。
楊永仁持譽．港灣無意減價
楊永仁坦言，禁止一手樓花摩貨勢打擊一手銷情，因單憑一批用家入市，銷售速度難太快，發展商未必可再輕易製造暢旺氣氛，吸引買家入市，導致新樓價錢難飆升。由於樓花禁摩貨轉售，投資欠缺靈活性，楊永仁稱未必會再買一手樓花投資，如要入市亦只會選擇二手物業。
楊永仁09年曾一擲2億元掃入約30伙新蒲崗譽．港灣樓花單位，迄今已售出20伙，料套現約2.5億元；現仍持有約10伙待售，早前叫價較購入價高15至25%放售。雖然受政策影響，但他強調不會即時調低叫價，因持貨大部份為高層海景戶，但就不會再反價，如買家出價貼近叫價便會出貨。