湯大狀早前暈遊西藏，喺醫院插喉嘅相嚇親唔少人，點知瞓喺病床好似氣若游絲嘅湯大狀呢幾日轉到北京，繼續餘下旅程時則鬼打咁精神，喺facebook留言話自己好番好多，抵達北京後仲同一位識咗成40年嘅老友記喺時尚區域「1949」用膳，真係識嘆。
佢專程登上長城做好漢兼留影，證明自己行得走得。原來佢喺訪京期間仲巧遇發展局局長林鄭女月娥以及佢兩位公子。睇見湯大狀咁精神奕奕，絕對唔似大病初癒，難怪民主黨李永達都忍唔住喺佢faceboook留言，話湯大狀早前仲話走步路都要慢啲，最終竟然登到長城，究竟係咪take咗specialdrug呢？