森美小儀歌劇團已經踏入10周年，前晚在理工大學賽馬會綜藝館上演紀念作《PrisonDeBallet》，除了森美「裝假狗」刻意誇耀下體外，小儀也戴上假胸裝胸作勢，造型搞笑。另外演出時各人不時做出不文動作，如小儀胸壓細So時兩人發出呻吟聲，而森美和Leo等人又做出類似下體互撞的動作，不過全晚以李克勤以神的使者出場時氣氛最為熱烈。
森美跌傷骨膜發炎
克勤在台上說：「我係要嚟打救世人，特別有兩種人要打救，就係醉駕同打人，呢啲人要交畀神去對話，上天堂判死刑。」演出尾聲播出歌劇團過去10年的片段，各人感動眼濕濕。訪問時笑問小儀上圍是否有Z級？她說：「好大負荷，頂住心口，裏面出晒汗。」至於有不文動作，森美只表示是舞台演繹方法。原來演出前一日森美綵排時在約一樓高的地方跌下來導致骨膜炎，他說：「醫生用針灸，有啲轉身動作做唔到。」
克勤89歲外婆住院
另外，克勤昨日到奧海城出席慈善影展，為靈實醫院籌款，他表示已89歲的外婆也是住在該醫院，但外婆已不太辨認到家人，克勤細仔亦未有機會見她一面。提到四大唱片公司和無綫版稅爭拗似有解決迹象，克勤謂：「我乜都唔知，不過都想快啲搞好，因為呢個僵局對雙方都係百害而無一利，我都想快啲返無綫個舞台。」他亦直認未能到無綫宣傳對人氣有影響。
採訪：馬建華、歐陽慧恩
攝影：黃文成