盧覓雪（Michelle）沒有當法官的叔叔，背景不算良好，但貪慕虛榮的性格自小養成，全因懂得享受生活所致。又因是家中孻女，父親對她有求必應，自小已經穿遍各款名牌波鞋；喜歡吃，因而吃出一個名堂，形象突出成為模仿對象。對於愛情寧缺勿濫，她笑言人到中年，開拓的主要是外國人市場。 撰文：何永寧
跟盧覓雪做訪問，她剛完成香港電台第一台節目《開心日報》的直播，拍檔是超人林超榮跟李司政，講的不是老本行娛樂跟食經，而是想都想不到的體育。45歲的盧覓雪對體育的熟悉不下於娛樂新聞，說到底她年輕時代原來是一名運動健將，推鉛球、排球等都難不倒她，Michelle說：「我嘅身形當然是參加田徑運動，打排球係因為當時流行套日劇《排球女將》，覺得劇裏面小鹿純子個角色好靚、好型。到今時今日睇報紙除咗港聞，最先睇嘅就係體育版，所以世界盃時都有幫報紙寫評論，當然係以女性同感性嘅角度出發啦。」
自細貪慕虛榮
由鍾情劇中人物到模仿，年少時的Michelle不單止喜歡學女主角束起馬尾，連衣飾亦跟到十足十。自言出身草根，但因為是孻女，父親特別關愛凡事有求必應。回想起童年往事，她開懷的說：「嗰時已經好威，着日本波鞋Mizuno（美津濃）同Tiger，因為小鹿純子都係着呢幾款牌子。我係一個好嗲嘅女仔，而且孻女爹哋特別錫，差不多要乜有乜。雖然家境唔係富裕，不過嗲多幾次爹哋都會買。」由此引伸至家中換電視或選擇晚膳的地方，上至兩個哥哥及家姐的要求，一律都由Michelle開口向父親說項，她笑言從那時起就養成貪慕虛榮的習慣，她說：「因為享受生活，所以我貪慕虛榮，凡事都會有要求。」由於對食有一種偏執及要求，令她近幾年在娛樂事業以外，開拓了食評人的門路，她說：「我一星期5日都要做電台同手機網絡商上載節目，一朝早就要起身做準備。可以享受食物嘅機會都喺假日，有要求都好應該。」她自言所推薦不但是食物本身，更看重的是情懷，她說：「食物不單止話好食唔好食。味道固然重要，但每件食物包含嘅情懷、歷史同社會變化都會講到，令到食物嘅層次豐富好多。」
專吸引外籍男
對於年齡，Michelle毫不避諱已達45歲中女之年，坦言不想多年的月經變成供死會的負資產，她說：「拖都拍過好多次，但自己拍拖太憑感覺，當感覺冇咗嘅時候連見都唔想見嗰個人。所以拍拖最長都係兩年，短嘅都係一年左近。」對擇偶她要求溝通但不想流於表面，過份感性以致目前仍未有合眼緣的對象。她相信一見鍾情，她說：「感覺係由相識嗰陣開始，所以buddy（兄弟）永遠都係buddy，唔會變成情侶。」試過有身邊朋友想向她展開追求，嚇得她千方百計很婉轉的拒絕對方。Michelle明白自己的優點不在於外表，而在於知性方面，她可以天南地北跟男性有說不完的共同話題。她笑言特別吸引外籍男士的垂青，近年的追求者都是綠眼金髮，她說：「我都唔知點解會咁吸引外國異性，不過順其自然喺呢個方向發展啦！」
多謝阮兆祥帶挈
盧覓雪近年以食評家身份現身各媒體，不過近日至爆，非她跟阮兆祥在節目中合唱《風箏與風》莫屬，恍如雙生兒的模樣跟裝扮，看過的觀眾無不笑爆了肺。口耳相傳不少向隅的人紛紛在網站求片，在YouTube上短短一星期點擊就去到30萬。被好朋友阮兆祥在節目中模仿、醜化，Michelle表現豁達，笑言拜祥仔所賜換來這數十萬名觀眾收看，她說：「人哋扮你即係代表你有人認識，觀眾唔識你扮都冇意思，所以絕對唔介意。」她笑言祥仔所以模仿得維肖維妙，跟大家相熟有一點關係，她說：「有好多小動作同女性化表現，係相熟圍內人至知。」Michelle表示《荃加福祿壽》最高收視去到30點，變相有200萬家庭觀眾認識盧覓雪這個人，所以要多謝阮兆祥還來不及。
