謝婷婷近期喺內地拍戲，佢之前接受有線訪問，主播問佢覺得自己靚唔靚，婷婷話：「我覺得一般啦！其實我曾經懷疑自己唔係謝賢同狄波拉生，霆鋒好似謝賢，但我就點睇都唔似佢哋，今次拍戲嘅造型係50年代，哥哥睇到話：『簡直係狄波拉！』我終於放心。」婷婷又話當年父母離婚，佢只係嬲同癲咗五分鐘就冇事。