台灣《壹週刊》前晚喺台北搞咗個第一屆娛樂大賞頒獎禮，吸引咗好多台灣明星到場，當然男嘅就扮到官仔骨骨，女嘅就花枝招展盡量性感。而一向裝扮密實嘅楊丞琳都有嚟湊熱鬧。雖然佢不嬲都唔係賣性感，不過前日就少有咁一條短裙仔加少許低胸，雖然唔係極盡性感，但係加上佢甜美笑容，有小小事業線都已經好煞食。