去西藏旅行出現高山症反應嘅公民黨湯家驊，得到國家悉心照顧，噚日已身處北京，佢透露會同老友見面，又會遊覽名勝，身體狀況不錯，只係不能有太劇烈動作，要慢慢行路，如無其他問題，最快明日返港。
由於湯家驊喺facebook發佈咗一張插喉相，狀甚嚴重，令好多人憂慮其情況，好多人透過facebook慰問佢，副局長蘇錦樑反應快，話如果湯家驊冇事返港，好快就會同佢討論公平競爭法立法問題。平日表現平平嘅民政事務局政治助理徐英偉，今次好識做，祝阿湯早日康復。
民主黨李永達睇到湯家驊離開險境，即時提醒佢喺北京買手信。買乜呢？幫忙買定上京時間表、路線圖好冇？