小弟有幸喺世盃擂台拎到第1名，一個唔覺意撈咗個冠軍返嚟，就係咁，有機會喺度同大家吹吓水，各位手足，承讓。
世盃完咗冇乜寄託，又未有擂台玩，早排啲友賽更加唔想睇，冇乜娛樂之際，梗要搵啲嘢沉一沉至安樂。我呢啲哈日族呢期就喪冧日本妹組合AKB48，成大班囡囡又唱又跳不知幾過癮，仲要索過韓國嗰啲多多聲，唔好話我鹹濕話我宅，有幾多個港男對日本妹冇期待先？
講開「咸」，話說好友兼體育版第一「咸」人視而不見話，佢愛隊韋斯咸新埋班，前鋒又唔掂，維拉主場食硬，我信佢喎，雖則維拉個奧尼爾quit咗，不過維拉呢隊波好韌，加埋好多背景因素，1.83倍主W索硬！打響頭炮咯！
守丹
心水：阿士東維拉勝
心得：高人過料，唔信唔得