印刷質素高向來係《蘋果》強項，而且得到國際同業認同，世界報紙及報業出版者協會（TheWorldAssociationofNewspapersandNewsPublishers）本年中宣佈，《蘋果》再次獲得WAN-IFRA（國際報業色彩質量協會）頒發2010至2012年度認可會員資格，更同時奪得WAN-IFRA第九屆亞洲傳媒大獎2010最佳印刷銅獎。
頒獎禮今個月4日喺馬來西亞吉隆坡舉行，總共有來自42個國家、逾162間報館嘅代表出席，八方同事亦有赴會領取殊榮，恭喜恭喜，希望獎項陸續有來。《蘋果》喺2000年開始，連續得到WAN-IFRA認可同頒發會員資格，今次係第四度得到殊榮，係香港唯一一間報館持續達到世界級印刷質量水平。