筆者先前提及好多壞消息，市場卻愛理不理，但當期指升近先前提出的21888阻力，再有好消息刺激也無力再上，假若突破阻力，再試本年高位應無問題，始終阻力就是阻力，去到高位就有地心吸力，既然升幅已巨，有調整亦不足為奇，但現在跌近千點，究竟淡友應該鳴金收兵，還是再斬四両呢？
先前提過A股喜做維和部隊，當外圍大跌時，祖國股市不喜歡跟隨，有助港股減輕跌勢，回看昨日A股似乎冇咩心機，市場先生似告知大市不只外圍跌，而是內憂外患。自從進口數據差過預期後，上證綜指跌近百點，記得之前曾提過假若失守2589應會跌勢持續，但失守後就只跌10多點，所以後市會睇低一線。當然，一兩日的反彈，筆者未必可以估中，大市要反彈一兩日或不出奇，但似乎都係要試50日線居多。
仍料升越70元
唔講唔知，250日線自09年9月開始一直向上移，但昨日首次下跌，現在可以說是臨界點，如果是牛市，大市將會迅速回升，若是熊市就會一蹶不振，所以要格外留神。先前說過10個牛皮9個淡，現在真的跌了下來，現階段要吸納的話，應選與大市相關性較低的股票，或靜觀其變。
說回和記黃埔（013），一邊揸和黃，一邊沽大市，看似好笨，其實除笨有精，和黃自買入升了12%，其間期指下跌3%，今次策略可算得宜。
不過昨日我亦開始做套利動作，因為昨天下午大市曾試圖反彈，和黃卻沒有緊隨其後，可見上升勢頭有機會需要唞唞，但強勢股不會因為一兩日的跌勢而中斷，調整過後，筆者仍睇70元有餘，要買的話，等大市跌定後再可吸納。何時達標？市好快到，市淡則遲到，但遲到好過唔到，作為投資者，這類股票趁大市調整時總要買些來「看門口」。
張士佳
寶來證券（香港）董事 投資服務部
筆者持有和黃
mailto:[email protected]