政務司司長唐英年家鄉常州市噚日嚟香港招商，原來司長鄉下今年好威，因為對中下收入階層嘅市民提供體貼嘅房屋福利，備受副總理李克強賞識，仲喺6月喺北京開兩會嗰陣，叫其他城市大力仿效。
佢哋個副市長朱銳話，當地市民收入如果只係全市平均收入水平，就可以買類似香港居屋嘅經濟適用房；如果收入只及平均數嘅八成，政府會補貼佢哋8萬蚊買經濟房；而收入只有平均水平四至八成嘅貧困人士（剛畢業嘅大學生同農民工），就可住公租屋，月租4蚊1方米；最窮嗰批直頭租用政府嘅廉租屋，月租只係1蚊1平方米！唐唐，你幾時會返鄉下取經跟住返嚟幫吓香港人呢？