眾多體育運動員都傾向多線發展，好似中國「體操王子」李寧退休後，發展嘅品牌「李寧牌」，現時已經揚名海外，簽入多位世界級運動員，如俄羅斯撐竿跳女王伊仙芭耶娃、NBA嘅奧尼爾等；之不過喺京奧奪女子體操全能冠軍嘅美國金髮美女選手妮絲迪雅柳金（圖），家只係21歲就已經發揮其商業頭腦，設計「Supergirl」童裝系列，主要對象係4歲至12歲嘅小女孩。佢設計嘅服裝售價亦好大眾化，最貴都係38美元；柳金話佢12歲已經開始為自己設計戰衣，做「時裝設計師」可以話輕而易舉，之不過我求大俠好奇佢點解只係設計童裝，唔通係同佢只得5呎3吋身高有關？