花旗股市前晚早段面對較大沽壓，收市跌幅收窄，道指跌54點，守住10600，續在近日橫行區內上落。聯儲局維持利率不變，其他內容都在市場預期之內，只係聲明話經濟復蘇步伐比之前估計嘅慢，就為投資者帶嚟負面情緒。
港股噚日打破高位橫行格局，下跌179點，10日線失守，將會下試21000關。
國壽P輪22137：中國人壽（2628）噚日報收32.85元，跌0.58%。股價早前受制於35元，未能突破，前日跌穿34.30元重要支持位，噚日進一步下挫，雖然幅度溫和，但短線下試33元嘅機會好大，破位睇31.50元，可以諗吓隻P輪22137。
隻輪現價36仙，2010年10月25日到期，行使價36.88元，溢價1.7%，引伸波幅26.3%，槓桿率9.4倍（有效7倍），正股見31.50元，22137睇55.4仙，正股升破35元就沽咗隻輪。
俊樺