趕唔切返屋企睇英超？無問題！家有手機、PDA呢啲移動設備，搭緊車都可以頂住先，不過，咁樣嘅服務，暫時只係內地同胞享受到！文化中國（1060）噚日公佈，同英國超級聯賽嗰邊，簽咗關於英超移動視音頻轉播權協議，獨家得到英超未來三個賽季嘅所有比賽，喺大陸所有嘅移動新媒體直播、延播同埋錄播嘅轉播權！
公司仲話，家已經為各項直播進行準備，將會喺短期內推出直播服務，實行直播全季380場賽事。唔單只咁，佢地仲會禮聘著名嘅講波佬講波，直頭當電視做！所以呢，日後喺內地搭緊公交車個陣，若突然有人起哄，千祈唔好驚，因為大家可能係睇緊波咋！
李華華