今夏o靚模真的無處不在，繼早前的書展和動漫節，昨日在灣仔會展舉行的美食博覽也見到o靚模蹤影，浸大咪神楊梓瑤（Carol）爭取入場吸金，其實她在短短兩個月瘋狂曝光和接騷，吸金80萬元，Carol笑言不怕稅局追稅，並謂：「有咁嘅成績，收稅單都抵啦。」
繼書展和動漫節後，浸大咪神楊梓瑤昨日第三度殺入灣仔會展出席美食博覽，她獲日本食品參展商邀請為日本館主持開幕禮，Carol還與其他嘉賓一齊開香檳慶祝。
課餘繼續做模特兒
Carol昨日以日本妹扮相現身，雖然衣着比較密實，但不失可愛，她說：「件衫係大會提供畀我，都係一份工作，我只係應參展商要求。」對於被踢爆近日密密工作，荷包豬籠入水，進賬80萬元，她笑說：「賺咗少少，冇認真去數，我諗80萬差唔多，我都好滿意，呢個數字都嚇親自己。」紅簿仔突然多了大筆款項，Carol可擔心遭稅局追稅？她說：「有咁嘅成績，收稅單都抵啦。」
早前Carol完成了浸會大學副學士課程，下月便升班繼續進修，她表示會專注學業，課餘才繼續模特兒工作，會視乎工作需要而作性感打扮。可擔心影響校風？Carol說：「我從來冇用學校個名，不過同學同老師都好體諒，我唔擔心。」
此外，周麗淇昨日也現身美食博覽為代言的東海堂月餅宣傳，她自爆中秋節會化身「外賣淇」向親友派月餅，她說：「我除咗派月餅劵畀親友，我仲會租車送冰皮月餅畀啲長輩親友。」
周麗淇自爆有人追
中秋節將至，周麗淇自言不乏裙下之臣，她說：「我冇拖拍，但唔dry，好滋潤，感情嘅嘢多謝大家關心，現狀好滿足，我冇去諗拍拖，但就算係都低調處理，我家有人追，不過過時過節比較頭痛，唔知應唔應約好。」她透露有興趣工作後往選購一蚊鮑魚。
採訪、攝影：王崇穎