鍾意「公牛孖寶」米高佐敦（圖左）、柏賓（圖右）嘅籃球迷，又有機會睇佢哋兩個雙劍合璧啦！佢哋唔係再次拍檔打波，而係「籃球之神」米高佐敦即將喺星期五嘅籃球名人堂，做推薦人介紹柏賓「入會」，由於會規要推薦人就要入咗名人堂先有資格，米高佐敦上年剛剛加入呢個大家庭，當然要介紹埋佢嘅戰友一齊玩啦！屆時MJ會發言，讚揚柏賓對籃球界嘅貢獻，佢哋兩人齊齊幫公牛喺90年代贏6個總冠軍，呢份友情歲月絕對稱得上係難能可貴。不過，講到友情，今次有份入選嘅爵士名將「郵差」馬龍，推薦人唔係上年已經入名人堂嘅好拍檔史托頓，而係紐約人名宿列特（WillisReed）。如此看來，MJ同柏賓嘅友情一定好過馬龍同史托頓！