【本報訊】酷熱天氣下，市民在戶外連走幾步路也難受；在暴曬環境下擔擔抬抬的建造業工人，苦況可想而知，工會指近日便至少有兩名紮鐵工人在高溫天氣下工作致死。偏偏特首曾蔭權卻不知工人疾苦，昨天到模擬工地視察時，竟然在酷熱天氣下向學員大講風凉話，指打地盤工較在辦公室冷氣房更好，「少啲激氣」。此話一出各界狂轟，職工盟李卓人批評曾蔭權「凉薄」，紮鐵工人更力促曾蔭權到地盤打工，親身體驗工人之苦。
記者：許偉賢
近期埋首於禮賓府為施政報告「度橋」的曾蔭權，昨天走出冷氣房到天水圍視察，又到天水圍112區的建造業議會訓練中心，與年輕學員交流。
昨天市區氣溫達32.9℃，天水圍濕地公園及上水曾上升至33.9℃，但曾蔭權在模擬工地內視察時卻無視炎熱天氣下建造工人身水身汗的苦況，在鼓勵年輕學員畢業後投身建造業時，竟指在地盤工作好過在冷氣房受氣：「我知道辛苦呀，太陽多，係辛苦做呢樣嘢；但呢樣係更有意義嘅嘢，我覺得喺冷氣房未必咁好嘅啫，係咪？少啲激氣吖，呢度仲好。」但政府新聞處昨天發放的片段中則已刪去曾蔭權的有關言論。
「不如特首做一個月紮鐵」
曾蔭權的「冷氣論」辣㷫紮鐵工人。紮鐵業團結工會副理事長馮建成稱，近月至少有兩名紮鐵工人及一名地盤田螺車司機在酷熱天氣下工作導致死亡，直斥曾蔭權坐慣冷氣房卻對工人講風凉話，整個問責班子一直漠視工人爭取立法規定在酷熱警告下，僱主要讓工人有額外10分鐘休息及提供清水的訴求。
馮建成直斥「曾特首佢知唔知地盤熱到攝氏50幾度高溫呀？汗滴落地，咋一聲就蒸乾，不如曾特首、（勞工及福利局）張建宗局長去做一個月紮鐵工吖，我出雙工請佢哋都得，等佢感受吓我哋工人苦況！」據建造業工會早前調查，約480位受訪建築工人中，27%受訪者表示曾在去年因為酷熱天氣下工作而中暑。
職工盟立法會議員李卓人回應時直呼「有冇搞錯」，「我知佢唔知民間疾苦，但冇諗過可以脫離民情到呢個地步」，他指職工盟早前才責難政府不顧地盤工人利益，未有法例保障工人在酷熱天氣下的休息時間等。
李卓人說︰「煲呔竟然仲好意思話喺地盤打工舒服過坐冷氣房，佢做人係咪凉薄咗少少？」有網民則在facebook成立「誠意請行政長官曾蔭權到地盤很有意義一天」群組促曾蔭權體驗地盤工作之苦。