熊黛林（Lynn）昨日與鄭伊健在中環出席BodyShop護膚品活動，郭富城前晚在活動中，盛讚舒淇是首席性感女星，Lynn大方贊同說：「佢不嬲都好性感，大方高貴，做戲又好。」問她和舒淇，誰比較性感？她說：「唔可以比較，我都鍾意佢，因為佢健康性感。」
Lynn趁機讚賞城城：「呢個世界好多女仔都好，佢可以讚一個，即係佢好大方同有風度。」至於城城哪裏性感，她說：「佢集中精神同埋做戲時都好吸引，跳舞身形又好。」
伊健發家人脾氣
此外，鄭伊健之前被指和蒙嘉慧北海道旅行，蒙嘉慧全程黑面，鄭伊健指是因有家人同行，自己發脾氣才真，他透露旅程是由蒙嘉慧及胞妹策劃，問到蒙嘉慧是否融入他家？他直認說：「融入家中，其實拍拖梗係咁。」
採訪、攝影：JessicaNgan