富咸領隊曉士近排好頭痕，「頭痕」嘅原因就係啱啱同球會簽約3年嘅25歲瑞士籍後衞辛達路斯（圖），喺訓練時足腱撕裂受傷，就好似「萬人迷」碧咸嘅傷勢一樣，佢今季肯定要長唞，可以講富咸嘅錢白白浪費咗，佢老哥亦翻生無期；之不過令到曉士頭痕嘅，仲有37歲澳洲門將舒華沙，因英超「Big4」之一嘅阿仙奴提出以200萬鎊羅致佢，錢咁少當然畀富咸拒絕咗啦！之但係舒華沙對此極為不滿，舒華沙最終會唔會轉會，真係要留意發展。好在富咸亦有好消息，就係差唔多能夠以150萬鎊「低價」，簽入阿爾及利亞國家隊後衞夏利治。