花旗股市喺聯儲局議息後走勢唔係好掂，道指前晚急挫265點收市，短線技術走勢轉淡，不過大形勢仲係喺10200至10600拉鋸嘅格局。
港股前日跌穿10日線，碰啱花旗股市急挫，大幅低開已經預咗，恒指下試250日線，20日線啱啱上破250日線現黃金交叉，加強咗呢個位嘅支持力，恒指最後跌188點，日線圖現錘頭，成交增加，可以部署反彈上試10日線。
中移動C輪23731：中移動（941）噚日報收84.10元，升2.4%。股價下試10日線後大幅反彈，破腳穿頭配大成交，會繼續成為支撐大市嘅主力，炒上去睇90元，可以諗吓隻C輪23731。
隻輪現價52仙，2010年12月22日到期，行使價84元，溢價6.1%，引伸波幅28.3%，槓桿率16.2倍（有效8.2倍），正股升上90元，23731睇88.5仙，正股跌穿81.80元就沽咗隻輪。
俊樺