林峯、容祖兒（Joey）、苟芸慧、張致恆等昨日到廣州為電影《翡翠明珠》做宣傳，眾人連跑幾場，先到廣州鼎龍國際酒店出席新聞發佈會，晚上就連續到廣州四間不同的戲院與粉絲見面。
雖然《翡》片在香港的票房欠佳，不過在內地的票房成績就相當不錯，昨日大會公佈電影在成都創下首日單場票房紀錄。
有份撐場的吳雨更踢爆Joey呷醋冇機會和林峯拍親熱戲，即令Joey尷尬O嘴，事後Joey否認有要求加咀戲，並說：「佢係即興講啫，佢鍾意吹水，唔好信佢講嘢。」
「計埋韓圜就得」
至於是否期望電影能在內地有過億票房時，林峯即抵死反問所指是否日圓，並說：「你話円呀？如果去韓國播，計埋韓圜就得，不過我相信票房都OK，因為個個都畀心機宣傳。」
採訪、攝影：曾小嘉