第二支管治隊伍同民主黨談判政改，中聯辦終於可以光明正大執行政治任務，今個月19號，即係下星期四，記協請到中聯辦宣傳文體部部長郝鐵川做午餐會嘉賓，以「社會秩序危機時期記者採訪的法律環境」為題發表演說，呢次係首次有中聯辦官員正式出席記協午餐會，破冰意義重大。
郝鐵川早前以畫蛇添足形容民主黨區議會方案響朵，八方相信好多行家都有興趣問郝部長，家陣點樣睇區議會方案，唔知郝部長會唔會話無謂畫蛇添足，唔好再講。午餐會喺銅鑼灣南洋酒店上海鷺鷺酒家舉行，學生會員150元，會員230元，非會員280元，報名、查詢請打記協電話25910692。