聯儲局議息前花旗股市向好，道指前晚升45點，作勢向上試關，但投資者對聯儲局會後聲明已心中有數，現水平入市嘅積極性唔算強。
港股噚日大跌327點收市，恒指報收21473，企喺10日線附近，主要受內地股市大幅下挫拖累，現貨成交比前日多，但成交唔算大，暫時可以守喺21200樓上，整體市況會係傾向整固。
鞍鋼C輪22672：鞍鋼（347）噚日報收12元，升0.5%。股價呢排企喺100日線水平拉鋸，技術走勢逐步改善，噚日逆市上升嘅幅度雖然細，但成交大增，炒上去睇13.90元，可以諗吓隻C輪22672。
隻輪現價19.4仙，2010年11月29日到期，行使價10.80元，溢價6.2%，引伸波幅49.2%，槓桿率6.2倍（有效4.3倍），正股升上13.90元，22672睇34.4仙，升幅77%，正股跌穿11.40元就沽咗隻輪。
俊樺