【台北直擊】莫文蔚（Karen）昨日在台灣舉行最新國語碟記者會，新碟依舊和緋聞男友張亞東合作，Karen坦認兩人關係密切有默契。碟內的10首歌曲皆由Karen一手包辦，她鍾意拍攝屋企或酒店的廁所找靈感。
莫文蔚昨日在台灣舉行最新國語碟《寶貝》記者會，現場有近百記者及歌迷，她以單肩短裙騷長腿出現，除香港及台灣唱片公司的高層出席之外更送上大禮，香港高層王劍濤送上一支約20萬的無線咪，台灣方面送上巨型金曲獎，寓意Karen永遠是金曲女歌手，唱片公司又透露全台灣有3,600部電視將不停播她的MV及廣告。
浴室作曲靈感旺
新碟中10首歌皆由Karen作曲，其中4首在浴室中獲得靈感，Karen又自爆有特殊癖好，她說：「我好鍾意影廁所，平時我去到唔同酒店嘅廁所都會影相，之後再放上微博。」
今次新碟再度和緋聞男友張亞東合作，Karen說：「關係係好密切，默契都好好。」會否私下互稱寶貝？她即說：「做乜咁叫？我好少咁叫，只會對家人同隻貓。」至於感情生活，Karen坦言已做好準備，若緣份到，就算幾忙都會抽時間拍拖，Karen更形容感情生活一直都很精采，那麼和張亞東是否在感情上都很有默契？Karen即說：「我哋只係講音樂。」
提到前男友周星馳被踢爆近日和女友于文鳳分手，更傳此事和Karen有關，對此她笑說：「啲報道真係莫名其妙，我唔會計較，真係乜嘢新聞。」有否找星爺送上慰問？Karen坦言已很久沒有跟他聯絡。
採訪、攝影：馬建華