恭碩良（Jun）將於九月二十五日於九展舉行一場音樂會，他昨日在尖沙嘴舉行記者會，請來側田即場jam歌，還有吳彥祖、張栢芝及張學友等錄製短片支持，24味成員JBS表示Jun為答謝側田，買了四頂帽給他，其中一頂印有24味字樣，JBS說：「去蒲唔怕俾人蝦，爸爸（陳子聰）一個都可以擋住。仲有一頂買大一個size，等佢媾完女做運動時出汗，縮咗水就啱戴。」
嘆難搵好女仔
Jun接受訪問表示對上一次做個人音樂會已是01年的事，他想把音樂會做得像自小很愛看的《歡樂今宵》，屆時除24味任嘉賓，還有一男歌手，Jun說：「佢唔係成日請得郁，大家都識嘅。」問到女友可會捧場，Jun謂：「我家單身，冇拍拖，家好男仔同好女仔都好難搵。」
採訪、攝影：胡比