今屆一班落選港姐，好似有最好身材嘅彭慧中，噚晚就去咗將軍澳電視廣播城錄影《獎門人》，佢嘅師姐高海寧同朱凱婷等都有一齊玩遊戲。高海寧之前都有嚟玩過，但就唔小心走光露股罅，佢今次醒咗着多件外套遮住，高海寧話：「我見班港姐有幾個身材都幾好，好似彭慧中，所以我都有提佢哋着外套，小心唔好走光。」