楊千嬅演唱會噚日公開賣飛，結果上晝搞到售票網癱瘓幾個鐘，仲連累同公司嘅林一峰同林二汶嘅「一峰不能藏二汶演唱會」賣飛情況，有fans打電話去主辦單位投訴，話入唔到個網買一峰同二汶嘅演唱會飛。一峰知道後就話：「自己人打自己人，不過我唔介意，我都幫朋友撲緊丁太飛。」一峰話自己個騷，一開賣兩場已經爆咗一場，成績咁好佢哋不知幾開心。