甄子丹唔止係宇宙最強，佢最近就被內地網民選為最適合擔任網上遊戲《大唐無雙》嘅代言人。擊敗咗成龍、李連杰、劉德華同埋吳京。不過呢個代言人都唔係幾好受，佢話：「拍宣傳相時全套衫由底到面全部一層層，我又要唔停咁喺鏡頭前耍劍弄槍，拍完之後我連底褲都濕透。」佢仲話正好將之前喺加拿大放假多咗嗰廿磅肉減番晒喎。