講開阿仙奴,佢哋今夏因為法比加斯擬似離隊投巴塞隆拿事件,而成日見報,以為日前法比加斯話會起碼會留隊一年,而領隊雲格(圖)又放風話自己會續約至2014年,事件可以告一段落啦,點知,噚日又有英報章引述雲格話:「如果我要接受其他挑戰,我就要事不宜遲,要快啲決定,因為如果我續約阿仙奴,咁就代表我嘅職業生涯會喺兵工廠結束。」啲英報章仲話,如果雲格真係唔續約,咁法比加斯留隊嘅機會係零,到時阿仙奴一定冧檔咁話。