Amina摑警案刮到滿城風雨，有好多嘢需要警方出嚟解畫。咁啱喺呢個時刻，警察公共關係科（PPRB）有新總警司上任。
新上場嘅總警司李建輝，之前喺元朗警區做指揮官，其餘有大部份時間喺刑偵部門做反黑、重案等任務。最驚險嘅行動係92年，有份參與到荃灣中心圍捕手持AK47同手榴彈嘅金行劫匪一案，出動到飛虎隊對付，當時一哥李君夏都坐直升機到場巡視。
李Sir噚日同傳媒茶敍，唔少記者趁機反映採訪遇到嘅問題，包括自從警察轉用數碼通訊系統，傳媒收風難，少咗好多新聞，有行家就反映，PPRB有時發放突發新聞，出稿速度慢幾拍，睇吓李Sir會點跟進。