炎炎夏日，不少女生都請大家的眼睛吃冰淇淋。想當年阿媽年代人人都着一件頭密密實，但現今一班80後，非三點式不着，仲要加墊加pad加nudebra再加鋼圈pushup，總之最緊要谷身材谷事業線。為咩？驚死你唔睇囉！
記者：葉雪芯
攝影：林栢鈞
Model：Rien@StarzPeople
日女心得：比堅尼一定要鋼圈
隻身來港發圍的日模椋名凜，波濤胸湧般的姿態出道，着泳衣完全無有怕。可能來自水着當道的日本，由細到大她對泳衣非常有心得，亦難怪騷胸出席公開場合，始終無港女咁遮遮掩掩。講到日本泳衣潮流，她說這一代的泳衣風氣開放很多，人人都愛pushup，「在日本，胸夠大的女仔着乜都無所謂，不過細胸女仔一定着pushup泳衣谷胸。以前泳衣trend係流行onepiece，但家個個都着bikini，仲邊度有人咁老土！就算係我自己都鍾意比堅尼多啲，同埋我一定要有鋼圈，因為胸比較多肉，有wire就有承托力，着起來有安全感，而且胸形靚好多，自信返晒嚟。」
自稱25歲的椋名凜，水着可能多過你啲Under……
80後泳衣布料少
椋名凜仲話，相比七、八十年代的阿媽泳衣，以前的泳衣款式真係好沉悶，現在的更有生氣，最大分別是布料越來越少，而且功能上亦有大分別，「家泳衣顏色花款好sharp好colourful，而且會配襯唔同嘅首飾吊飾，例如配襯珠珠、銀鏈、ruffles花邊等等，好fashionable。家喺日本，仲好流行將泳衣着在便服外面，又或者當打底着！」的確，早前流行女性內衣外穿，家潮流玩到悶，將泳衣搞搞新意思，完全符合80後不安現狀的鬼主意。
專業人士：不落水只為曬
現今女士對身材講究的程度，老早不能與以前相比，就連着泳衣都是以谷胸作為出發點。本身賣開內衣的BODIBra，近年推出了不少新款泳衣，專門研究泳衣的谷胸功能。老闆娘馬太就話，這股潮流不多不少靠內衣帶起，「好多人着內衣都好講究，現今好多內衣都做到谷胸功能，久而久之，佢哋就會希望着泳衣都可以有咁嘅效果。唔少女仔着泳衣唔係單為游水，有好多女仔都同我講，佢哋唔識游水，去沙灘只係為咗曬太陽，順便晒身材。若然着件泳衣出來，可以將大胸細腰show到出嚟，俾人睇到完美身形都會多咗好多自信。」
一定要谷事業線
馬太續說，着功能性的泳衣，就連細胸至Acup，都一樣有睇頭，「家傳媒和大環境風氣都講求事業線，事實上只要穿上功能性泳衣，就算幾細胸嘅女仔都一定可以谷到事業線，成個身形線條真係會靚好多。同埋家嘅比堅尼唔止要有鋼圈，仲有分粗帶幼帶，好多細節都係為不同大小胸形而設，例如胸大嘅女仔就要揀粗帶，胸細揀幼帶；修飾hip形就揀下身有配飾、大蝴蝶結或者粗邊咁。」o靚模當道，馬太反而覺得無乜邊個特別是性感icon，她反而大讚劉嘉玲，「佢身材比例好好，唔算好瘦，骨肉均勻，要數邊個着泳衣最靚，只有佢！」
谷身形之小秘密
p.PeachJohnTheStore（25776012）
r.ROXY（28955028）
o靚模三點式
