港股噚日反覆上升122點，收報21801，下一站係22300，不過噚日成交縮咗，衍生產品嗰邊造淡盤好似積極咗。大形勢嚟睇，好友仲係掌握大局。
聯儲局今晚議息，市場嘅焦點係會後聲明會唔會提及恢復推行量化寬鬆政策，因為近日市場已經炒定先，就算聯儲局正式宣佈，對股市應該唔會有太大刺激。地產股升勢全面，短線會係支撐大市嘅主力。
新世界C輪21764：新世界發展（017）噚日報收15元，升3.8%。新世界股價7月下旬打破橫行格局，沿住10日線推上，噚日企喺250日線水平收市，現階段或者會略為整固，但後市料有機會見16.20元，可以諗吓隻C輪21764。
隻輪現價10.9仙，2010年11月2日到期，行使價14.50元，溢價3.9%，引伸波幅28.2%，槓桿率13.8倍（有效8.6倍），正股見16.20元，21764睇19.7仙，正股跌穿14.60元就沽咗隻輪。
俊樺