港股上禮拜升咗648點，主要嘅升幅其實係上禮拜一，其他日子都係橫行格局，技術走勢繼續改善，10日線升到21267，係短線嘅支持位。
花旗上月份非農業職位大減，股市一度顯著下挫，但收市嘅跌幅大為收窄，主要係技術嘅大形勢仲係向好，不過，花旗經濟再度轉壞嘅風險正在增加，道指要向上突破11000關開創新氣象有好大難度。
交行C輪17868：交通銀行（3328）上日報收9元，升1.1%。股價喺7月力守250日線之後慢慢組織升勢，呢兩日終於突破8.80元阻力，升破9.40元之後，會向9.80推進，可以諗吓隻C輪17868。
隻輪現價6.4仙，2010年12月30日到期，行使價9.488元，溢價12.2%，引伸波幅37%，槓桿率14.8倍（有效6.6倍），正股升上9.80元，17868睇10.9仙，升幅7成幾，正股跌穿8.70元就沽咗隻輪。
俊樺