何韻詩昨日現身柴灣影樓，為Levi'sCurveID相展拍造型，之前已有鄭欣宜和謝婷婷等參與，問何韻詩欣賞那個，她說：「今次咁多女仔一齊，都係想睇唔同感覺，自己較為欣賞欣宜，佢細個同家好唔同，女仔都唔一定有似模特兒身材，最緊要有自信，佢冇今日咁瘦時，上台都好有信心。」
相士批先捱後紅
何韻詩透露現於內地台灣兩地發展，她笑說：「睇掌相士喺我22、23歲時，同我講我大個啲先會紅，好似克勤咁要捱一排，希望承佢貴言。」問到好友鄭秀文（Sammi）與許志安近日的新聞，她說：「我明白Sammi喺微博花咁多心思寫，佢哋由一齊到分手都好多年，到安仔有女朋友，佢好大壓力，安仔女友又會介意呢啲緋聞，總之畀啲空間佢哋，藝人拍拖好困難，作為佢朋友唔會多問。」
採訪、攝影：JessicaNgan