噚日一批網民遊行去禮賓府反對官商勾結時，八方隨隊，去到就俾一位外表高大威猛嘅藍帽子PTU吸引住。佢吸引人嘅唔係高大身材，更加唔係因為佢靚仔，而係佢嘅警員個老冧（編號）係「8964」。PTU哥哥好專業咁同十幾個同僚守住煲呔官邸；走近睇真啲，佢冇抗拒，但如果畀多個笑容就一定更靚仔。
今次係繼早前女長毛雷玉蓮喺中環示威時發現有「AM8964」警車之後，再發現警隊嘅「8964」，原來車牌、人牌都有，進一步證明警方係平常心對待「8964」呢個敏感數字組合。實情，八方最想知嘅，係PTU哥哥究竟鍾唔鍾意呢個終身編號？佢又有冇參加六四紀念活動呢？