鄭少秋（秋官）、汪明荃等前晚在紅館舉行第三場「金曲娛樂真經典演唱會」，秋官愛女鄭欣宜、馮寶寶和丈夫都有捧場。日前演出時不慎被熱情粉絲拉跌的仙杜拉無懼再跌，照舊埋身與觀眾握手，馮寶寶更抵死扮fans衝到台前與她握手，兩人還攬住嘴對嘴。
賀秋官嫁女
專程捧父親場的欣宜全晚在台下等秋官出場，當秋官一出場她在台下興奮得如小歌迷，不時拿出相機追住老竇來影，阿姐在台上踢爆秋官快做外父時，鏡頭就刻意影住欣宜，但欣宜即避忌閃開。
此外，欣宜昨日到荃灣出席活動時，對於鄭家快將有喜事，她回應說：「我都唔清楚，應該係其中一個結婚，最大可能係喺美國大我十幾年嘅大家姐，我冇見過佢。自己結婚就順其自然，但唔想太遲生BB。」欣宜坦言雖然她清減了不少，但就仍未可以公佈磅數，不過她的高血壓和膽固醇問題就回復正常。
採訪：楊潔雯、張俊銘
攝影：陳俊強